Auswärtsniederlage zum Hinrundenabschluss

Auswärtsniederlage zum Hinrundenabschluss

FC Neckertal-Degersheim 2 – FC Niederstetten 2 3:1 (3:0)

Necker – 25.10.2019/20.00 Uhr

Tore: 31. 1:0, 31. 2:0, 37. 3:0, 78. 3:1 D. Stettler


Scho isch s letschte Spiel ahbroche i derä Hihrundi gege dä FC Neckertal Degersheim. D Neckertaler setzed üs ide erste Minute sehr unter Druck und mer händ de Start id Partie verschlofe. Es isch sehr umkämpft gsih mit vielne Fouls uf beidnä Siite. Nochemä Doppelschlag ide 31. Minute sind d Neckertaler bereits mit 2 Goal vorne. Leider mömmer idä 1. Halbziit no ehn 3. Gegätreffer nocherä schönä Einzelaktion hihneh. Mer dörfet üs definitiv nöd beklage über de Vorsprung.

Für diä letscht Halbziit hemmer üs denn nomel zemegrafft und üs dütlich chönne steigerä. Üsä Stürmer D. Stettler hett sini Torflaute chönne beende idä 78. Minute nocheme Zuckerpass us dä Verteidigung.

Jetzt gohts ab id Winterpause und üs bliibet paar Monät Ziit zum üsi schwach Hihrundi Leistig z verdaue und mit voller Energie üs zruck z kämpfe. Hopp Stettä.

Zurück zur Übersicht
Unsere Sponsoren & Partner