Serie vode Olma ned chönne fortsetze

Serie vode Olma ned chönne fortsetze

FC Niederstetten 2 – SC Aadorf 2a 0:2 (0:1)

Rehwiese – 20.10.2019/10.30 Uhr

Wenn mir üsen Lauf vo letscht Wuche i de Degustationshallene vode Olma hetted chönne fortsetze, hetted mir Aadorf klar vom Platz gfegt, aber es isch ganz anders cho.
Top motiviert und fit sind mir hüt Morge ade Rehwies itroffe und hend entli üsen nögschte 3er wölle ifahre. Die beide Inneverteidiger vo üs hend aber anderi Plän gha und i de 3. Minute sind d Stetter bereits s erste mol chalt duschet worde.
Im Aschluss hend mir no 2-3 Chancene gha aber abgseh vom Pfosteschuss dur de Reto Bruhin hend mir gege vorne nöd viel anebrocht. Schlussendli isch d 0 verdient stoh bliebe.
Wieder dur en Fehler vo üsere Hintermannschaft schenked mir de Aadorfer de nögscht Topf und chönd kein versöhnliche Abschluss vo üse Heimspiel i de Hirundi fiire.

Nögscht Fritig hend mir no s letschte Spiel gege Neckertal-Degersheim.
FC Neckertal-Degersheim vs. FC Niederstetten 2
25. Oktober 2019 – 20.00 Uhr / Oberstufenzentrum Necker, Platz 1

Danke a dere Stell allne treue Fans wo üsen, teilwiis bescheidene, Fuessball immer go luege cho sind. De gröscht Dank goht aber ad Marlies und an Ruedi, wo immer de Barwaage und de Grill betriebe hend.
Zurück zur Übersicht
Unsere Sponsoren & Partner