Unnötige Niederlage in Sirnach

Unnötige Niederlage in Sirnach

FC Sirnach 2b – FC Niederstetten 2 2:0 (0:0)

Kett, Sirnach – 01.09.2019/11.00 Uhr

Tore: 55. 1:0, 70. 2:0

Top motiviert und voller Zueversicht simmer hüt Morge uf Sirnach greist zum de 1. Sieg i dere no junge Saison izfahre. Üsi Defensive isch ide 1. Halbziit sehr guet gstande und het ned allzuviel Chancene zueloh. Ein vode jüngste us üsem Verein, de Sebastian Buchmann het us 40 Meter als Inneverteidiger abzoche und de Goaliefehler vo Sirnach fast chönne bestrofe. De Ball isch jedoch nur an Ussepfoste prallt und Sirnach het mitemä blaue Aug dörfe id Pause. I dere Halbziit dörfed mir ned ohni Füehrig id Pause goh.

Nochem Siitewechsel het üsen Routinier vode Routiniers en Freistoss vo Sirnach chönne kläre, jedoch is eigene Goal. Noch dere 1. bittere Pille hemmer i de  70. de nöchst Dämpfer erlitte und Sirnach het chönne zum 2:0 inicke. E ganz und gar ned gföhrlichi Situation isch dur en unglückliche Usrutscher vom Goalie ischalt bestroft worde.

Mund abputze – wiiter trainiere – kämpfe und am nöchste Sunntig Flawil dihai schloh!

FCN2 – FC Flawil 3, Rehwiese Niederstetten, 08.09.2019/14:00 Uhr

Zurück zur Übersicht
Unsere Sponsoren & Partner